التاج بتاع واحد من مصر

السلام عليكم ورحمة الله وبركاته

وصلني ما يعرف بـ"التاج" عن طريق واحد من مصر ..

ا

لموضوع وما فيه .. وبعد بحث واستقصاء طلع اني أقول هوايتي التي تستغرقني كليا ثم أقوم بتمرير التاج لمن بعدي

طبعا الخلاصة التي وضعتها وصلت إليها بعد فترة من العمل الدءوب والبحث المتواصل وسهر الليالي و .. الخ

طبعا دا كان لأني مش شايف تاج محطوط وكمان لأني جديد في عالم التدوين وخاصة على بلوج سبوت فكنت فاكره اسم لحاجة بنمررها بجد ..

عموما " هعديها لك المرة دي يا دكتور وأمشي موضوع التاج وما أقفش زي اللقمة في الزور كالعادة يعني "، بس المرة دي علشان خاطر الموضوع جاي من طرفك أنت بس ما تاخدش على كده.

الهواية التي أحبها .. على الأقل حاليا .. هي المراقبة والكتابة ، ربما يسميها البعض تدوينا أو عملا صحفيا أو ... ، أي شيء، المهم أنني أحب مراقبة الصالحين بالذات وأحبذ في الخفاء يعني من غير ما حد يحس ، لكن طبعا لو واحد حبيبي طلب يتعرف فسيكون ذلك من دواعي سروري أيضا.

هواية أخرى أعشقها .. هي التعامل مع النشء، يعني ممكن أنسى نفسي مع أشبالي أو الطلبة اللي معايا .. وخصوصا لو هما كمان نسيوا نفسهم ممكن ما نقومش لو ما فيش ورايا معاد تاني

يعني ممكن تكون هواية غريبة وعبيطة .. بس معلش .. ياما هتلاقوا هوايات ..

عموما أنا بمرر التاج للأستاذة أسماء .. همسة قلم ..