وصلتني عمامة من إمام الجيل .. وسنرد على أسئلتها في السريع
أحب شخص لقلبك في الدنيا؟
أبي وأمي
انسان مستعد تضحي بحياتك -ركز فى كلمة حياتك- عشانه؟
في ناس كتير
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
شارون
ما هو اسم اجمل كتاب كتبه بشر قراته ومحتفظ به حتي الان؟
كتب كثيرة
اسم كتاب كتبه بشر برضة- انت متعلق بيه وبتقرأه كل فترة؟
دواوين الشعر خاصة .. وعلى رأسها (نفحات ولفحات للدكتور القرضاوي، ديوان هاشم الرفاعي، الشوقيات، ديوان حافظ ابراهيم، ...)
اهم جهاز منزلى انت متعلق بيه او بتستخدمه كتير؟
الكمبيوتر :)
مكان تحس بالراحة عندما تدخله؟
الجامع القريب من منزلنا
شىء تحس بالراحة النفسية عندما تنظر اليه؟
المسجد النبوي
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
المكان دا موجود في شارع مش فاكر اسمه إيه أو عطفة شمال بعد محل برده فاكر اسمه .. معلش أصلي عمري ما رحته قبل كده
اجمل مدينة زرتها داخل مصر ؟
الإسكندرية .. أسوان .. بنها .. المنصورة .. على الترتيب
أجمل مكان طبيعي رأيته داخل مصر ؟
النيل في أسوان
نوع هاتفك المحمول؟
مش عارف!!
سرعة بروسيسور جهازك؟
برده مش عارف .. بلاش إحراج
تقريباحجم ذاكرة –هارد- جهازك؟
يوووه .. لازم تحرجونا.. تقريبا 120
المساحة التى تشغلها المواد الاسلامية على جهازك؟
مش عارف .. كتير
أهم هدف انت واضعه لحياتك الآن؟
يمكن تكون كل أهداف المرحلة الحالية دعوية، كمان 6 أشهر ابقوا اسألوني
مواصفات فتى الأحلام بالنسبة لك؟
فتى أحلامي !! مش فاهم
شعورك لما بتسمع كلمة مصر ؟
يمكن شعور بالعزة .. يمكن زعل على حالها، يمكن شعور بالفرحة .. ويمكن أبكي على اللي جرى لها
شعورك لما بتسمع كلام عن اليهود؟
شعور بأن الجهاد قرب وإن العدو قريب أوي
شعورك لما بتشوف ظابط شرطة؟
عادي
شعورك لما بتشوف الكناس العجوز فى الطريق؟
برده عادي
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
برررده عادي
احساس يراودك فى اشارة مرور مغلقة بسبب مسئول كبير؟
بصراحة ... ببقى فرحان، لأن ساعتها بيبقى الوعي السياسي كله عند اللي راكبين معايا وكل واحد بينقد ويتكلم ويقول اللي نفسه .. وفي نفسي أنا كمان
هناك 14 تعليقًا:
ايه الاجابات المستعجلة دى انت عندك امتحانات باين طب خير ربنا يوفقك
تحياتى
فين الإجابات يا أستاذ
أنا حاسس اني اتخميت
كل تاج وانت طيب
آآآآآآآآآميــــــن
أنا مريض.. دعواتكم بالشفاء
ولا خم ولا حاجة .. بس استعجال
ميدو مجدي .. وانت بكل خير .. تحياتي
شهاب الازهر
ادعوكم للمشاركة في استفتاء
اكثر 10 مدونات تاثيرا في قرائها
و احب ان اخبركم ان مدونتكم تم ترشيحها فعلا
اليك الرابط
http://www.6ef.blogspot.com/
شفاك الله وعافاك أخى
والله نفسى اتعرف عليك من زمان
أخوى الأزهرى الأصلى وعدنى انه هيعرفنا
وبعدين قلبنى ياللا بقى ربنا
يكرمه عشان عليه امتحانات
ممكن تشرفنى فى مدونتى المتواضعة
سيبك انت
www.m-naggar.blogspot.com
انت مش فاكرنى
دانا حبيبك بس انت ديما بتنسى
بس الاجابات فيها تلصقه
مع انك هادىء الطباع
حاول تعرفنى
وعلشان اساعدك
اتمنى انك تزور مدونتى على هذا اللينك
http://loveallah.modawanati.com/
وتسلم لى على المهندس هههههههههههه
سلام عليكم
ربنا يباكر فيك
اجاباتك جميلة
بس انا مستغرب و متغاظ
تزتي مش عارف نوع تليفونك المحمول :)
اما عجايب
ههههه
تحياتي
أولا أعتذر عن التأخير الشديد والحمد لله الذي عافاني، وجزاكم الله خيرا على دعواتكم التي شعرت بها ولعل الله استجاب لها فعجل شفائي
أختنا الفاضلة منة الله: ربما تكون هذه أول زيارة لكم، جزاكم الله خيرا، وقد قمت بالترشيح عندكم
أخونا الكريم محمد النجار، أذكر أننا التقينا قبل ذلك، ولكن لم تسمح الفرصة بالتعارف في أي من مقابلاتنا، إحى هذه المرات إن لم تخني الذاكرة كان فرحا في مسجد ما، عموما مش مشكلة ، الجايات أكثر إن شاء الله
وبارك الله فيكم :: ممكن إيميل ؟
المجهول :: لم أتعرف عليك بعد .. ممكن توضيح ؟
يا أخ علاء ما تدقش .. أنا هعرف نوعه ليه؟
ما دام بيتصل ويرد خلاص هههههههه
عموما الحمد لله اني عارف اسمي
على فكرة أنا فضلت أفتكر نوعه وهوا أي واحد منهم دلوقتي اللي معايا (أصلي بخربهم أوام، كل واحد وقعة وبالسلامة) فلقيته موتورولا
إرسال تعليق